Correo para tigre

Querido tigre: Comunícoche que estou ben. E ti? Vai pelando cebolas e poñendo unhas patacas a cocer porque pode que hoxe teñamos peixe. Un bico do teu amigo oso». Cando o pequeno oso marchou a pescar, levou consigo un bote de tinta azul, papel e sobre para escribirlle ao seu amigo, o pequeno tigre, que se sentía moi só cada vez que se ausentaba. Pero no bosque o correo nunca fora moi áxil. Así, co enxeño duns e coa axuda doutros, o fogar de Oso e de Tigre converteuse no lugar mellor comunicado do mundo…